«جاس وتان» تاريحىندا العاش رەت ۇيىمنىڭ جوعارى وكىلەتتى ورگانى – ورتالىق كەڭەس مۇشەلەرىنىڭ اشىق ونلاين سايلاۋىن جاريالايدى، دەپ جازادى Qamshy.kz اقپارات اگەنتتىگى. 

بۇگىنگى تاڭدا جاڭعىرۋ مەملەكەتتىك ساياساتتىڭ ماڭىزدى بولىگىنە اينالىپ وتىر. وسى ورايدا «جاس وتان» جاڭعىرۋدى وزىنەن، سەزى الدىندا ورتالىق كەڭەس مۇشەلەرىن سايلاۋدان باستاماق.

جاناما سايلاۋدان اشىق تىكەلەي سايلاۋ جۇيەسىنە ءوتۋ ارقىلى «جاس وتان» كوشباسشىلاردىڭ ساياسي ارەنادا سايلاۋ پرينسيپتەرىمەن تانىسىپ، ءارى قاراي اشىق سايلاۋعا ءتۇسۋ جولدارىن جەتىك مەڭگەرۋىن كوزدەيدى. تىكەلەي سايلاۋ جۇيەسى داۋىس بەرۋشىلەرگە ۇمىتكەرلەر اراسىنان ۇزدىگىن انىقتاپ، ەڭ لايىقتىسىن تاڭداۋدا ەركىندىك بەرەدى.      

سايلاۋدى وتكىزۋدەگى باستى ماقسات – «جاس وتاننىڭ» اشىقتىعى مەن سايلانعان كەڭەس مۇشەلەرى ارقىلى قوعاممەن بايلانىستا بولۋعا دايىن ەكەندىگىن كورسەتۋ.

سايلاۋ 2 كەزەڭنەن تۇرادى. 1-كەزەڭدە 18-25ء-شى قاڭتار ارالىعىندا «جاس وتان»-نىڭ الەۋمەتتىك جەلى پاراقشالارىندا كورسەتىلگەن سىلتەمە ارقىلى تىركەلۋدەن ءوتۋ كەرەك. 25ء-شى قاڭتار – 8ء-شى اقپان ارالىعىندا ۇمىتكەرلەر #JasOtanSailau حەشتەگىمەن Instagram پاراقشالارىندا جاريالاعان ۆيدەو جولداۋىنا 5000 لايك جيناۋلارى قاجەت. ال الەۋمەتتىك جەلى قولدانبايتىن ۇمىتكەرلەر قول جيناۋ ارقىلى 500 ادامنىڭ قولداۋىنا يە بولۋلارى مىندەتتى. 2-كەزەڭ 10-24 اقپان ارالىعىندا جەتكىلىكتى قولداۋ جيناعان ۇمىتكەرلەرگە ونلاين داۋىس بەرۋ  وتەدى. داۋىس بەرۋگە «جاس وتان» مۇشەلەرى قاتىسا الادى. 26 اقپان سايلاۋ ناتيجەلەرى باسپا ءسوز بەتتەرى مەن ۇيىمنىڭ الەۋمەتتىك جەلىدەگى پاراقشالارىندا جاريا بولادى. 18-29 جاس اراسىنداعى سايلاۋالدى ناقتى جوسپارى بار كەز كەلگەن كوشباسشىنىڭ قاتىسۋعا مۇمكىندىگى بار. 

ەگەر سەنى جاستار ماسەلەسى الاڭداتسا، جاستار ساياساتىنا ۇلەس قوسىپ، ساياسي مانساپ جولىندا جەتىستىككە جەتكىڭ كەلسە، سايلاۋعا قاتىس!